TausugOnline

Mujaheeden Sin Hulah

By: Sagg Ilikas

In kahalan sin hulah

Palkalah dakulah

Subay ini mahalga

daing sin kasi ha altah

Bang natuh katumtuman

In kissa sin kama asan

Hulah dih pasaran

Minsan pa mamarihang

Biyah sin pagka dungugan

Daing ha kastilah sambil na milikan

Walah kiya rapatan

Subay natuh hi ulak

In kissa sin  bud daho iban sin bud bagsak

mga duguh na tagak

in satruh walah imisab

mujaheeden sin hulah

Panumtuman sin mga huling bata

Dih magka haylan sin dunya iban altah

amun suntuan natuh

Supaya hulah dih mapissuku

In mga mujaheeden ini agan angan

Hulah ko kalasahan

dih takaw pasaran

Minsan pa mamarihang

Wayna pag susunan

Bangsa moro mujaheeden

Dih mo masabanding

Saddiya hipag bunuh

Bang in hulah malummoh

In hipag lanuh duguh